მდინარე მტკვრის დასუფთავების მიზნით, კომპანია „ჯორჯიან უოთერ ენდ ფაუერი" პროექტს - „მდ. მტკვარი ჩამდინარე წყლების გარეშე" ახორციელებს. სამუშაოების დაწყებამდე მტკვარში, დედაქალაქის ფეკალური წყლები სანიაღვრე ქსელების საშუალებით ჩაედინებოდა. პროექტის ფარგლებში, ამჟამად სანიაღვრე და წყალარინების(საკანალიზაციო) სისტემის განმხოლოება მიმდინარეობს, ეწყობა სრულიად ახალი კომუნიკაციები, რეაბილიტაცია უტარდება ძველ ქსელებს და მათი მიერთება ხდება მოქმედ განახლებულ ქსელებზე. ამ გზით თბილისის ჩამდინარე წყლები გარდაბნის გამწმენდ ნაგებობამდე მივა. შედეგად კი დედაქალაქში სუფთა მდინარეს მივიღებთ.
დღეს, თბილისის მერმა გიგი უგულავამ და კომპანია „ჯორჯიან უოთერ ენდ ფაუერი"-ს გენერალურმა დირექტორმა ალექსეი კუზნეცოვმა, ქვემო ფონიჭალაში, ტყე-პარკის ტერიტორიაზე მიმდინარე სამუშაოები დაათვალიერეს, სადაც 800 მმ დიამეტრისა და 2100 მ. სიგრძის ბეტონის თვითდენითი მილის სრული რეაბილიტაცია მიმდინარეობს და სამუშაოების დასრულების შემდეგ, ის მშენებარე სატუმბ სადგურს მიუერთდება.
მასალის გამოყენების პირობები
