ახალგაზრდული საინიციატივო ჯგუფის წევრებმა რეინტეგრაციის საკითხებში სახელმწიფო მინისტრს პაატა ზაქარეიშვილს მთავრობის კანცელარიასთან უნიტაზი დაუდგეს.
აქციის მონაწილეებმა კანცელარიასთან დადგმულ უნიტაზს პაატა ზაქარეიშვილის სურათი წარწერით - "ბოდიში, ოკუპირებულია" გააკრეს.
საპროტესტო შეკრების მონაწილეების თქმით, პაატა ზაქარეიშვილი აცხადებს, რომ რუსეთი საზღვარს ღობავს და ახალი ტერიტორიების ოკუპაციას არ ახდენს, რაც მათი შეფასებით, არასწორი პოზიციაა.
"ასეთი განცხადება მინისტრის მხრიდან არის სამარცხვინო და შეურაცხმყოფელი იმ ადამიანებისთვის, რომლებიც ოკუპირებულ ტერიტორიაზე არიან მოხვედრილნი და უმძიმეს მდგომარეობაში იმყოფებიან. მათი წინაპრების საფლავებიც ოკუპირებულ ზონაშია მოხვდრილი და მინისტრმა მათ უნდა სცეს პატივი. სამარცხვინოდ მიგვაჩნია ასეთი მინისტრი რომ ჰყავს საქართველოს. მინისტრის მხრიდან არასერიოზული განცხადებბეია, რომლებიც ავნებს საქართველოს სახელმწიფოებრიობას და შეურაცხყოფს დევნილებს და არამარტო დევნილებს. ამ პერფორმანსით გვინდა მივუთითოთ, რომ სერიოზულობით მოეკიდოს განცხადებებს,"- განაცხადა აქციის ერთ-ერთმა მონაწილემ ნიკოლოზ ჩომახაშვილმა.