აშშ-ს მთავარი სიმბოლო თავისუფლების ქანდაკება, მიუხედავად საბიუჯეტო კრიზისისა, ტურისტებისთვის ისევ გაიხსნა.
ნიუ-იორკის შტატის ხელმძღვანელობამ ადგილობრივი ბიუჯეტიდან გარკვეული თანხა გამონახა, რათა თავისუფლების ქანდაკება ტურისტებისთვის ისევ გაიხსნა. აღსანიშნავია, რომ მთავრობას ქანდაკების შენახვა დღეში 60 ათასი დოლარი უჯდება
აღსანიშნავია, რომ ქანდაკებას ყოველდღიურად 10 ათასამდე ტურისტი აკითხავს. ხოლო მას შემდეგ რაც საბიუჯეტო კრიზისის გამო შტატში პარკები და მუზეუმები დაიხურა, შტატის ხელმძღვანელობა მიხვდა, რომ ტურისტების ნაკადმა იკლო, რაც საერთო ჯამში შტატის ეკონომიკაზე ცუდად აისახებოდა.
ანალოგიურ პრობლემად გადააწყდნენ სხვა შტატებიც, რაღაც ეროვნული პარკები და ცნობილი ობიექტებია განლაგებული.
შეგახსენებთ, რომ ქანდაკება 1886 წლის 28 ოქტომბერს გაიხსნა. გახსნის ცერემონიალში მონაწილეობა აშშ-ის იმდროინდელმა პრეზიდენტმა გრეგორ კლივლენდმა მიიღო.
მონუმენტი აშშ-ის ხალხს საფრანგეთმა აჩუქა. ქანდაკების სკულპტორი იყო ფრედერიკ ოგიუსტ ბართოლდი. ალექსანდრე გუსტავ ეიფელმა მონუმენტის შიგა სტრუქტურა დააპროექტა. იუჟინ-დე-დუკი იყო სპილენძის შერჩევისთვის პასუხისმგებელი. ამჟამად თავისუფლების ქანდაკება აშშ-ის ყველაზე ცნობილი სიმბოლოა და, უფრო ვრცელი მნიშვნელობით, ჩაგვრისგან განთავისუფლებას აღნიშნავს. მისი დადგმის დღიდან თვითმფრინავის ერამდე ეს იყო პირველი ნიშანი, რომელსაც აშშ-ში ჩამოსული მილიონობით ემიგრანტი ხედავდა ევროპიდან ოკეანის გადმოჭრის შემდეგ. მოქანდაკეებმა თავისუფლების ქანდაკებისთვის შთაგონებად როდოსის კოლოსი გამოიყენეს. ქანდაკება ნიუ-იორკში დაშლილ მდგომარეობაში (350 ფრაგმენტი) გემით ჩაიტანეს. მისი წონა 225 ტონაა. მის დამზადებაში 125 ტონა ლითონი და 30 ტონა სპილენძი გაიხარჯა.
