თბილისის საქალაქო სასამართლომ, ე.წ. საბოტაჟის საქმეზე, „ლელო-ძლიერი საქართველოს“ ლიდერების, მამუკა ხაზარაძისა და ბადრი ჯაფარიძის მიმართ პროკურატურის შუამდგომლობა სრულად დააკმაყოფილა და მათ აღკვეთის ღონოსძიების სახით მილიონ-მილიონი ლარის ოდენობის გირაო შეეფარდათ. გირაოს გადახდის ვადად კი 30 დღე განესაზღვრათ.
"აქ ითქვა, რომ შესაძლებელია უძრავი ქონებით ჩანაცვლება, ჩვენ განვიხილავთ ვერსიას უძრავი ქონებით ჩანაცვლებას და მოგახსენებთ ამასთან დაკავშირებით, - ასე უპასუხა ბადრი ჯაფარიძემ ჟურნალისტის შეკითხვას, აპირებს თუ არა ის შეფარდებული მილიონ ლარიანი გირაოს გადახდას.
სხვა ოპოზიციონერი პოლიტიკოსების მიმართ წინასასამართლო სხდომის თარიღად 25 დეკემბერი, 13:00 საათი განისაზღვრა.
