დღეს „ჩემი ოჯახის კლინიკის" ქსელში არსებულ თელავის რეფერალურ საავადმყოფოში ნეონატოლოგიის სამსახურის მე 2 ეტაპი გაიხსნა. მსგავსი სამედიცინო სამსახური კახეთის რეგიონში არ იყო. პროექტის განხორციელების შედეგად კახეთის ადგილობრივ მოსახლეობას შესაძლებლობა ექნება რეგიონიდან გაუსვლელად უმკურნალონ ახალშობილებს.
როგორც თელავის რეფერალური საავადმყოფოს ადმინისტრაციამ სააგენტოებთან საუბრისას აღნიშნა ნეონატოლოგიური სამსახური რეგიონში მხოლოდ სამედიცინო სახლების სახით იყო წარმოდგენილი. შესაბამისად მაღალი, ან დაბალი რისკის ახალშობილის მკურნალობა ადგილზე ვერ ხერხდებოდა და ხდებოდა მათი გადაყვანა თბილისის საავადმყოფოებში.
დღეიდან ასეთი ტიპის პაციენტების მკურნალობა თელავის რეფერალურ საავადმყოფოში შესაძლებელი იქნება. ამის შესაძლებლობას იძლევა საავადმყოფოს ბაზაზე არსებული შესაბამისი სამედიცინო აღჭურვილობა და მაღალკვალიფიციური, თბილისიდან მოწვეული ნეონატოლოგები.
