საქართველოს პრეზიდენტი მიხეილ სააკაშვილი თურქეთში მოღვაწე წარმატებულ ქართველებს შეხვდა. მიხეილ სააკაშვილმა მათთან საპრეზიდენტო ბიბლიოთეკის პროექტის შესახებ ისაუბრა.
„ჩემი პრეზიდენტობის დროს არც ერთი ბიზნესმენისთვის არ გამომირთმევია ფული, ამას ჩემთვის არც ახლა ვაპირებ, მაგრამ მინდა, ვთხოვო მათ დააფინანსონ საპრეზიდენტო ბიბლიოთეკა, რომელიც ახალგაზრდობისთვის კეთდება. ეს ჩვეული ტრადიციაა უცხოეთში პრეზიდენტობის შემდეგ მოიძიო დაფინანსება (Fundraising) სწორედ ასეთი სახის ბიბლიოთეკებისთვის. ყოველ შემთხვევაში ამერიკაში ასეა. დარწმუნებული ვარ, ძალიან ბევრი ადამიანი გამოჩნდება აქაც და სხვა ქვეყნებშიც", - განაცხადა სააკაშვილმა.
