რიყის პარკის ქვევით 9 900 კვ.მ ტერიტორიაზე თბილისის მერიამ მიწისვშა პარკინგი ააშენა, რომელიც 15 წლით სასყიდლიანი სარგებლობის უფლებით, მართვაში შპს „მეიდან პარკინგ"-ს გადაეცა. პარკინგი საერთაშორისო სტანდარტებისაა და ის 350 მანქანაზეა გათვლილი.
მხარეებს შორის გაფორმებული ხელშეკრულების თანახმად, „მეიდან პარკინგი" ვალდებულია კომერციული ავტოსადგომი აამუშაოს და მომხმარებლს სხვადასხვა სერვისები შეთავაზოს.
ერთ-ერთი სერვისი, რომელიც უახლოეს მომავალში დაინერგება ე.წ „VALET PARKING"-ის მომსახურებაა, რაც კონკრეტული ტერიტორიიდან ფასიან ავტოსადგომში მომხმარებლების მანქანების გადაყვანის ფასიან სერვისს გულისხმობს.
პარკირების სადგომში ვიდეო-კამერები, ხანძარსაწინააღმდეგო და სხვა სისტემები დამონტაჟდა. უახლოეს მომავალში სადგომი შლაგბაუმის მოწყობილობითა და გადახდის ერთიანი ელექტრონიზირებული PAY TERMINAL-ებით აღიჭურვება. ავტოსადგომში პარკირებისთვის განკუთვნილი ადგილების გარდა, ასევე სამრეცხაო, ქიმწმენდა და სხვადასხვა დანიშნულების ობიექტები ამუშავდება.
„თბილისობის" დღესასწაულთან დაკავშირებით, ახალი ავტო-პარკინგი 5 და 6 ოქტომბერს თბილისელებს უფასოდ მოემსახურება.
