საქართველოს პრეზიდენტის ადმინისტრაციის დაკვეთით ამერიკულ კვლევითი კომპანიიის „გრინბერგ, ქუინლან, როზნერ რისერის (Greenberg, Quinlan, Rosner Research) მიერ ჩაატარებული საზოგადოებრივი აზრის კვლევის თანახმად 13% შემცირდა იმ ადამიანების რაოდენობა ვინც მიიჩნევს, რომ ქვეყანა სწორი მიმართულებით ვითარდება. კითხვაზე ,,ზოგადად, როგორ ფიქრობთ საქართველოში ვითარება სწორი მიმართულებით მიდის თუ არასწორი მიმართულებით? გამოკითხულთა 45% მიიჩნევს, რომ ქვეყანა სწორი მიმართულებით ვითარდება, ხოლო 36% აზრით, ქვეყანა არასწორი მიმართულებით ვითარდება.
ანალოგიურ კითხვაზე მაისის თვეში ჩატარებული კვლევის მიხედვით რესპონდენტთა 58% მიიჩნევდა, რომ ქვეყნა სწორი მიმართულებით ვითრდებოდა, ხოლო 20% აზრით, საქართველო არასწორი მიმართულებით ვითარდებოდა.
შეგახსენებთ, რომ საზოგადოებრივი ინტერესიდან გამომდინარე საქართველოს პრეზიდენტის ადმინისტრაციის დაკვეთით ამერიკულმა კვლევითმა კომპანიამ „გრინბერგ, ქუინლან, როზნერ რისერჩმა" (Greenberg, Quinlan, Rosner Research) ჩაატარა საზოგადოებრივი აზრის კვლევა.
ინტერვიუები ჩატარდა 2013 წლის 15-21 სექტემბერს, საქართველოს მთელ ტერიტორიაზე (ოკუპირებული ტერიტორიების გარდა) და მოიცავდა 1,204 პირისპირ ინტერვიუს. კვლევის ცდომილების ხარისხი შეადგენს +/-2-3 პროცენტს.