3-5 ოქტომბერს ბრიტანეთის საბჭოს საქართველოში საქმიანობის 20 წლისთავი აღინიშნება. ბრიტანეთის საბჭოს 20 წლის იუბილის აღსანიშნავად დიდი ბრიტანეთის ელჩი საქართველოში ალექსანდრა ჰოლ ჰოლი 2013 წლის 4 ოქტომბერს ბრიტანეთის საელჩოში 19:00 სთ-დან 21.00 საათამდე ოფიციალურ მიღებას უმასპინძლებს.
„ჩვენ ამ ღირსშენიშნავ თარიღს ბატონ მაიკლ ბერდთან ერთად აღვნიშნავთ, რომელიც ჩვენი რეგიონალური დირექტორია და რომლის ვიზიტიც კიდევ ერთხელ ადასტურებს ბრიტანეთის საბჭოს დიდ ინტერესსა და მხარდაჭერას ჩვენი ქვეყნისადმი და იმ საქმიანობისადმი, რასაც ჩვენ, ჩვენს ქართველ პარტნიორებთან ერთად ვახორციელებთ", - აცხადებენ ბრიტანეთის საბჭოში.
მაიკლ ბერდი საქართველოში ყოფნისას შეხვედრებს გამართავს განათლებისა და კულტურის სფეროში მოღვაწე ოფიციალურ პირებთან, საზოგადო მოღვაწეებთან. ვიზიტი დატვირთული გრაფიკის მიუხედავად კულტურულ პროგრამასაც ითვალისწინებს.
4 ოქტომბერს 18:00 სთ-ზე მაიკლ ბერდი დაესწრება საერთაშორისო ვიზუალური ხელოვნების ფესტივალის „არტისტერიუმის" გახსნას, რომელთანაც ხუთი წელიწადია რეგულარულად ვთანამშრომლობთ ხოლო 5 ოქტომბერს 20:00 სთ-ზე დაესწრება ბრიტანული კომპანიის 1927 არაჩვეულებრივ წარმოდგენას: „ძაღლები და ბავშვები მოედნენ ქუჩებს". სპექტაკლი იმართება თბილისის საერთაშორისო ფესტივალის ფარგლებში, ფესტივალისა, რომელთანაც მრავალწლიანი თანამშრომლობა გვაკავშირებს
„საქართველოში. 20 წელია ვმუშაობთ კულტურული ურთიერთობების განმტკიცებისთვის და ხელს ვუწყობთ დიდ ბრიტანეთსა და საქართველოს შორის შემოქმედებითი იდეების გაცვლას. ამ ურთიერთობებში კი ჩართულია არაერთი ქვეყანაა, სადაც ბრიტანეთის საბჭო ფუნქციონირებს.
ბრიტანეთის საბჭო ურთიერთნდობის და თანამშრომლობის შესაძლებლობას ვაძლევთ ადამიანებს როგორც ბრიტანეთში, ისე საქართველოში და საერთოდ, მთელი მსოფლიოს მასშტაბით. ამას ჩვენ კულტურულ ურთიერთობებს ვუწოდებთ. ჩვენი მართლაც უმაღლესი დონის საქმიანობა ინგლისური ენის სწავლების, ხელოვნების თუ განათლების სფეროებში, და საზოგადოებრივ პროექტებში ასობით მილიონ ადამიანს აძლევს საშუალებას გაეცნონ და თავად ეზიარონ დიდი ბრიტანული კულტურის მრავალფეროვნებას. მილიონობით ნიჭიერი ადამიანი განურჩევლად ასაკისა, განსაკუთრებით კი მაინც ახალგაზრდა თაობა უშუალოდ ან ონლაინ რეჟიმში ურთიერთობს ჩვენთან ინგლისური ენის შესასწავლად, თანამედროვე ბრიტანული ხელოვნების ყველაზე საუკეთესო და ინოვაციური ნიმუშების გასაცნობად, ახალი უნარ-ჩვევების დასაუფლებლად, ბრიტანეთში ცხოვრებისა და სწავლის გამოცდილების მისაღებად, კვალიფიკაციის ასამაღლებლად.
ბრიტანეთის საბჭოს ოფისი საქართველოში 1993 წელს გაიხსნა. პატარა ბიბლიოთეკით დაწყებული საქმიანობა თანდათან გაფართოვდა და შემდეგ ისეთი მნიშვნელოვანი და ფართო სპექტრი მოიცვა, როგორიცაა ინგლისური ენა, საერთაშორისო გამოცდები, ხელოვნება, საზოგადოების განვითარება და ახლა უკვე ინგლისური ენის სასწავლო ცენტრი; ეს უკანასკნელი ჩვენი უახლესი მიღწევაა და უკვე მოიპოვა დიდი პოპულარობა ინგლისური ენის შესწავლის მსურველებს შორის", - ნათქვამია ბრიტანეთის საბჭოს მიერ 20 წლის იუბილესადმი გაბვრცელებლ განცხადებაში.