საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი დავით დარახველიძე და მინისტრის მოადგილე ნინო ჭავჭავაძე შეხვდნენ ევრ საბჭოს ელჩსა და მუდმივ დამკვირვებელს, პეტრუ დიმიტრიუს.
შეხვედრას ასევე ესწრებოდა საქართველოში გლუკ-ის წარმომადგენელი, სიმონე ვოლკენი და გაეროში მუდმივმოქმედი მისიის წარმომადგენელი ირაკლი ჟღენტი.
მინისტრმა საუბარი სამინისტროს მიერ დაგეგმილ საქმიანობებსა და სამინისტროს ბენეფიციარების წინაშე არსებულ პრობლემებზე დაიწყო.
დიმიტრიუმ აღნიშნა, ევროსაბჭოს საქართველოს ოფისთან მჭიდრო და ნაყოფიერი თანამშრომლობის წარსული პრაქტიკისა და ამ თანამშრომლობის მომავალში გაგრძელების სურვილის შესახებ.
სიმონე ვოლკენმა ხაზი გაუსვა ევრო საბჭოსა და მისი განვითარების ბანკის მიერ საქართველოს დახმარების აუცილებლობაზე. მან განაცხადა, რომ სხვა ქვეყნებისგან განსხვავებით საქართველოში არის ყველა ის პირობა, რომ მისთვის გაწეული დახმარება იყოს მაქსიმალურად ეფექტური, რადგანაც საქართველოს ხელისუფლება ამისკენაა მომართული და დახმარების პროექტების განხორციელება ყოველგვარი დაბრკოლების გარეშე ხორციელდება. ასევე, ვოლკენმა განაცხადა, რომ თუ არ მოხდება ქვეყნის მიმართ დახმარების გაწევა ახლა, მიმდინარე ეტაპზე, პრობლემები მომავალში უფრო მომრავლდება და ასევე, მომავალი თაობისთვის არ გვექნება პასუხი კითხვაზე, თუ საჭირო და ხელსაყრელ დროს რატომ გავუშვით ხელიდან ამ დახმარების გაწევის შანსი.
დიმიტრიუმ სრულად გაიზიარა აღნიშნული არგუმენტები და განაცხადა, რომ დაუკავშირდება საქართველოში ევროსაბჭოს მისიის წარმომადგენლებს, ასევე ევრო საბჭოს განვითარების ბანკსა და შეეცდება მათთან შეხვედრის ორგანიზებას, რათა საქართველოს მიმართ გაწეული დახმარება გახდეს უფრო ინტენსიური და მასშტაბური.