გაეროს ლტოლვილთა უმაღლესი კომისარიატის აღმასრულებელი კომისიის 64-ე სესიის განმავლობაში მინისტრმა, დავით დარახველძემ და მინისტრის მოადგილემ, ნინო ჭავჭავაძემ გამართეს ორმხრივი შეხვედრები რიგ საერთაშიროსი პარტნიორ ორგანიზაციებთან.
პირველი შეხვედრა შედგა მსოფლიო ბანკის ახლო აღმოსავლეთისა და ჩრდილოეთ აფრიკის რეგიონის ოფისის დირექტორთან,ჟერარ ბიამთან. მინისტრმა ჟერარს მადლობა გადაუხადა ორგანიზაციის მიერ საქართველოსა და დევნილთათვის გაწეული დახმარებისთვის, ასევე მოახსენა სამინისტროს წინაშე მდგარი გამოწვევებისა და მათი მოგვარებისათვის საჭირო ფინანსების მოძიების აუცილებლობის შესახებ.
მიუხედავად იმისა, რომ ბიამი უშუალოდ არ კურირებს საქართველოსა და ზოგადად აღმოსავლეთ ევროპის რეგიონს, იგი შეხვედრაზე ამ რეგიონის ოფისის ხელმძღვანელის თხოვნით მოვიდა და აღუთქვა მინისტრს, რომ შეხვედრის შედეგებისა და სამინისტროს საჭიროებების შესახებ ინფორმაციას სრულად მიაწვდიდა მსოფლიო ბანკის შესაბამის განყოფილებას.
მინისტრმა ბიამთან ისაუბრა იმ ფინანსური დახმარებების შესახებ (საარსებო წყაროებისა და საცხოვრებლების მშენებლობების მიმართულებით), რომლებზეც ამჟამად მიმდინარეობს მოლაპარაკებები მსოფლიო ბანკთან.
ნინო ჭავჭავაძემ აღნიშნა მსოფლიო ბანკის მიერ საარსებო წყაროებისა და თემთა მობილიზაციის სფეროში განხორციელებული პროექტების ანალიზის შედეგების შესახებ და დასძინა, რომ ეს შედეგები და რეკომენდაციები ასახულ იქნა დევნილთა საარსებო წყაროების შესახებ მომზადებულ სტრატეგიასა და სამოქმედო გეგმაში.
მსოფლიო ბანკის წარმომადგენელმა კი, თავის მხრივ, განაცხადა, რომ მსოფლიო ბანკი ძირითადად ახორციელებს განვითარების პროგრამებს, რომლებიც გულისხმობს, უპირველეს ყოვლისა, ადგილობრივი თემის დახმარებასა და შესაძლებლობების გაძლიერებას. აღნიშნული განაპირობებს ამ თემში მცხოვრები მოწყვლადი კატეგორიების (დევნილები, ლტოვლილები და სხვა) მდგომარეობის გაუმჯობესებას. ბიამმა აღუთქვა მინისტრს, რომ ის საქართველოს საჭიროებების შესახებ გაავრცელებდა ინფორმაციას, ამასთანავე მან მინისტრს ურჩია დაკავშირებოდა მსოფლიო ბანკის წარმომადგენლობას საქართველოში, რათა მათ იმ რეგიონებში განახორციელონ განვითარების პროექტები, სადაც ჩასახლებული არის დევნილი მოსახლეობა.
