"ვიხსენებ პირველი პირების შეხვედრებს ჟურნალისტებთან და რასაკვირველია, დღევანდელი ფორმატი მირჩევნია ყველა აქამდე ნაცად ფორმატს, როდესაც ჟურნალისტებს რამდენიმე საათის განმავლობაში საშუალება აქვთ ესაუბრონ პრემიერ-მინისტრს, ეკამათონ მას, ან დაეთანსხმონ მას რაღაცაში, ან არ დაეთანხმონ,"- ამის შესახებ მედია ექსპერტმა ია ანთაძემ პრემიერ-მინისტრ ბიძინა ივანიშვილსა და ცენტრალური ტელევიზიების საინფორმაციო სამსახურების წარმომადგენლებთან დღეს გამართული რამდენიმესაათიანი აუდიენციის შეფასებისას განაცხადა.
ანთაძის თქმით, "ამ შემთხვევაში, მაღალია იმათი პასუხისმგებლობა, ვინც პრემიერ-მინისტრს ასეთი შეხვედრებისთვის ამზადებს, იმიტომ, რომ ბიძინა ივანიშვილს მსგავსი ტიპის შეხვედრები საზოგადოებაში მისდამი არსებული ნეგატიური შეხედულებების არსებობის შემთხვევაში, ამის გასაბათილებლად სჭირდება და თუ ივანიშვილის პასუხები და პოზიცია მოუმზადებელი იქნება, აუდიენციის მიზანი ვერ შესრულდება".
"ასეთი ტიპის შეხვედრები მას ჭირდება იმისთვის, რომ თუ მან ჩათვალა, რომ მისი ღირსება შეიალახა უსამართლოდ, მას ასეთი შეხვედრებით სურს, რომ საზოგადოებას და იმ კონკრეტულა ადამიანებს, ვისგანაც შეილახა, დაანახოს რომ არ იყო სწორი მის მიმართ გამოთქმული მისი ღირსების შემლახავი პოზიცია. თუ ის მოუმზადებელი მივა ასეთ შეხვედრაზე, მისი მთავარი მიზანი, რომ ის არის ძალიან ღირსეული ადამიანი და იცავს საკუთარ სიმართლეს, ეს მიზანი ვერ შესრულდება. თუ ადამიანი სწორად მომზადებული არ არის ამ მიზნის მისაღწევად, ამ მიზნამდე ვერ მივა. თვითონ პრემიერმა უშუალოდ რაზეც უნდა გასცეს პახუხი, ვისურვებდი, რომ შეკითხვებზე პასუხები ისეთივე არგუმენტირებული ყოფილიყო, როგორსაც ის ითხოვს ჟურნალისტებისგან,"- განაცხადა ია ანთაძემ ”ჯი-ეიჩ-ენთან” საუბრისას.
ამასთან, ანთაძე მიიჩნევს, რომ "დღევანდელი შეხვედრა შეიძლება ითქვას, ბრძოლის რეჟიმში წარიმართა და ასეთ რეჟიმში ძნელია საუბარი არგუმენტებზე, აქ უფრო საუბარი იყო ვინ უფრო კარგად გამოჩნდებოდა და ვინ უფრო მწვავედ იტყოდა სათქმელს და ვინ უფრო მახვილგონივრულ პასუხს გასცემდა".
"უნდა ითქვას, რომ ფორმატი იყო ძალიან საინტერესო, იმიტომ, რომ გულწრფელი იყო. რაც შეეხება იმას, თუ მთლიანობაში შინაარსთან დაკავშირებით რა შთაბეჭდილება დამრჩა, მთავარი შთაბეჭდილება არის ის, რომ ორმაგ სტანდარტთან გვაქვს საქმე. ერთის მხრივ აბსოლუტურად ვეთანხმები პრემიერს, როდესაც ის საუბრობს მედიის თავისუფლებაზე იმ ინფორმაციასთან დაკავშირებით, რომელსაც ჩვენ ვავრცელებთ, ან იმ პოზიციასთან დაკავშირებით, რომელსაც ჩვენ ან გამოვხატავთ, ან არ გამოვხატავთ. მეორეა პასუხისმგებლობა ჩინოვნიკებისა, მათ შოის პრემიერ-მინისტრის და გნებავთ, პარლამენტის წევრების. როდესაც ჟურნალისტს აქვს სრულიად არგუმენტირებული პოზიცია და აქს სრულიად არგუმენტირებული ჟურნალისტური გამოძიება ან ჟურნალისტური გამოძიება იქნება თუ შეკითხვა, რომლის არგუმენტაციაც ეჭვს არ იწვევს, არ ვარ დარწმუნებული ვარ, რომ ჩვენ ასეთსავე არგუმენტირებულ პასუხებს ვიღებთ მეორე მხრიდან და დღევანდელი შეხვედრაც იყო ამის დასტური. როდესაც პრემიერის მხრიდან პრეტენზიებს მე ვეთანხმები, მაგრამ პრემიერის პასუხებს იმ პრეტენზიებზე, რომლებიც ჟურნალისტებს ჰქონდათ. მაგალითად თუნდაც დღევანდელი პოლიტიკის წინასაარჩევნო პერიოდში კოალიცის მხრიდან წარმოდგენილ პროგრამასთან შესაბამისობასთან დაკავშირებით. აქ ასევე არგუმენტირებული და ღრმა პასუხები ძალიან იშვიათად არის ხოლმე და შესაძლოა ამის მიზეზი დღევანდელი შეხვედრა იყო, რომელიც შეიძლება ითქვას, ბრძოლის რეჟიმში წარიმართა და ასეთ რეჟიმში ძნელია საუბარი არგუმენტებზე, აქ უფრო საუბარი იყო ვინ უფრო კარგად გამოჩნდებოდა და ვინ უფრო მწვავედ იტყოდა და ვინ უფრო მახვილგონივრულ პასუხს გასცემდა,"-აღნიშნა ანთაძემ.
საქართველოს პრემიერ-მინისტრი ბიძინა ივანშვილი დღეს ცენტრალური ტელევიზიების საინფორმაციო სამსახურების ხელმძღვანელებს და პოლიტიკური თოქ-შოუების წამყვანებს შეხვდა. პრემიერის და ჟურნალისტების აუდიენცცია დაახლოებით, 4 საათი გაგრძელდა.