აღნიშნული ღონისძიება სოციალურ ქსელში დაიგეგმა და საკმაოდ დიდი გამოხმაურება მოჰყვა.

აქციაში მონაწილებას სხვადასხვა მედიასშუალებების ასამდე ჟურნალისტი მიიღებს.  

ჟურნალისტების გამგზავრება თბილისიდან 12:00 საათზე იგეგმება. 

შეგახსენებთ, რომ 22 სექტემბერს ოკუპირებული ცხინვალის რეგიონის მოსაზღვრე სოფელ დვანთან რუსმა სამხედროებმა სადემარკაციო სამუშაოები განაახლეს. საოკუპაციო ზოლის 400 - 500 მეტრით გადმოწევის შედეგად, საქართვლოს ხელისუფლების მიერ არაკონტროლირებად ტერიტორიაზე 10 ჰექტარამდე მიწის ფართობი და მასზე არსებული სახნავ-სათესი მიწები და მოსახლეობის ხეხილის ბაღები მოექცა.

ე.წ. სამხრეთ ოსეთის წარმომადგენლებმა ოკუპირებული ცხინვალის რეგიონის მოსაზღვრე სოფელ დვანის მოსახლეობას სადემარკაციო სამუშაოების განახლების შედეგად ოკუპირებულ ზონაში მოხვედრილ ტერიტორიებზე არსებული მოსავლის ასაღებად თავდაპირველად 10 დღიანი ვადა მისცეს, თუმცა მოგვიანებით წინადადება შეიცავალა და ახალი ბრძანების თანახმად, ადგილობრივებმა მაქსიმალურად მოკლე ვადებში უნდა მოასწრონ საშემოდგომო მოსავლის დაბინავება.