აჭარის ა/რ ჯანმრთლობისა და სოციალური დაცვის მინისტრი ნუგზარ სურმანიძე, მინისტრის მოადგილე ლევან გორგილაძე და ასოციაცია „თანა"-ს დირექტორი ნანა საყვარელიძე დღეს „სარეაბილიტაციო ცენტრ თანა"-ს სარეაბილიტაციო სამუშაოებს გაეცნენ.
შეზღუდული შესაძლებლობების მქონე ბავშვებისა და მოზარდებისათვის თანამედროვე სტანდარტების შესაბამისი სარეაბილიტაციო ცენტრის მოსაწყობად სამუშაოები ინტენსიურად მიმდინარეობს. სრულად იცვლება შენობის კარ-ფანჯრები, ელექტროგაყვანილობა, წყლის და კანალიზაციის სისტემა, გათბობის სისტემა, მიმდინარეობს ეზოს კეთილმოწყობა. სამშენებლო-სარემონტო სამუშაოები ორი თვის წინ დაიწყო და დაახლოებით ორ თვეში დასრულდება.
პროექტი „თურქეთის საერთაშორისო თანამშრომლობისა და განვითარების სააგენტოს" მხარდაჭერით ხორციელდება, რომელიც ხელს შეუწყობს განსაკუთრებული საჭიროების მქონე ადამიანების საზოგადოებაში ინტეგრაციას და მათი შესაძლებლობების მეტ წარმოჩენას.
რეაბილიტირებულ შენობაში შეზღუდული შესაძლებლობების მქონე ბავშვთა და მოზარდთა დღის ცენტრთან ერთად მიუსაფარ დედათა და ბავშვთა თავშესაფარიც განთავსდება.
მასალის გამოყენების პირობები
