საქართველოში ამერიკის შეერთებული შტატების საელჩო აშშ-ს სახმხედრო საზღვაო ხომალდ "ბალკლიზე" საქართველოს პრეზიდენტ მიხეილ სააკაშვილის სიტყვით გამოსვლის პარალელურად, პრემიერ-მინისტრ ბიძინა ივანიშვილთან ერთად ღიმილის მიზეზებს განმარტავს.
აღნიშნულთან დაკავშირებით, ამერიკის შეერთებული შტატების საელჩოს საგანგებო განცხადებას "ჯი-ეიჩ-ენი" უცვლელად გთავაზობთ:
"სამწუხაროა, რომ ზოგიერთებმა გადაწყვიტეს არასწორი ინტერპრეტაცია გაეკეთებინათ ელჩ ნორლანდის სახის გამომეტყველებაზე პრეზიდენტ სააკაშვილის გამოსვლისას "ბალკლის" ხომალდზე. ელჩი იღიმებოდა იმის გამო, რომ მისმა ძალისხმევამ აღედგინა პროტოკოლით გათვალისწინებული ზომები ამ წარმომადგენლობით ღონისძიებაზე მიზანს ვერ მიაღწია. მიუხედავად ამისა, აშშ-ის საელჩო და აშშ-ის სამხედრო-საზღვაო ფლოტი მიიჩნევენ, რომ ხომალდის ვიზიტი აშკარად წარმატებული იყო და ადასტურებს იმას, რომ აშშ-ის ერთგულება ორმხრივ ურთიერთობებში, საქართველოსთან საზღვაო უსაფრთხოებისა და შავი ზღვის რეგიონში თანამშრომლობის კონტექსტში შეუდრეკელია,"- ნათქვამია საქართველოში აშშ-ის საელჩოს განცხადებაში.
ცნობისთვის, ბათუმში, ამერიკულ სამხედრო საზღვაო ხომალდ "ბალკლიზე" საქართველოს ხელისფლების უმაღლესი პოლიტიკური თანამდებობის პირებისთვის ოფიციალური საზეიმო მიღება 11 აგვისტოს გაიმართა, რომელსაც საქართველოს პრეზიდენტ მიხეილ სააკაშვილთან და პრემიერ-მინისტრ ბიძინა ივანიშვილთან ერთად აღმასრულებელი და საკანონმდებლო ხელისუფლების წარმომადგენლებიც დაესწრნენ.
