აშშ-ს პრეზიდენტმა ბარაკ ობამამ პრესკონფერენციაზე განაცხადა, რომ უმჯობესი იქნება თუკი აშშ ამ მომენტისათვის რუსეთთან ურთიერთობებში პაუზას აიღებს. ინფორმაციას ამის შესახებ „ბი-ბი-სი" ავრცელებს.
აშშ-ს პრეზიდენტის თქმით, „რუსეთმა წინ ვერ წაიწია მთელ რიგ კომპლექსურ საკითხებში, რომლებშიც ჩვენი აზრით, მას შეეძლო წინ წაეწია".
ობამამ ასევე აღნიშნა, რომ მის პირად ურთიერთობებს ვლადიმერ პუტინთან „ცუდს ვერ უწოდებ".
ამასთან ერთად ობამა განაცხადა, რომ მისი და პუტინის საუბრები ხშირად იყო კონსტრუქციული, თუმცა, მისივე თქმით, „უმჯობესი იქნებოდა პრეზიდენტ პუტინს წინ გაეხედა და არა უკან".
ამას გარდა, აშშ-ს პრეზიდენტმა აღნიშნა ისინიც, რომ აშშ-სა და რუსეთის ურთიერთობები უფრო მეგობრული დიმიტრი მედვედევის პრეზიდენტობის დროს გახდა, თუმცა კრემლში ვლადიმერ პუტინის დაბრუნების შემდეგ რუსეთმა სულ უფრო და უფრო ხშირად დაიწყო ცივი ომის დროინდელი ანტიამერიკული რიტორიკის გამოყენება.
