დღეს, გლდანის მე-8 საპყრობილესთან საპროტესტო აქცია გაიმართა, მოთხოვნით - "თავისუფლება უკანონო პატიმრებს". აქციაზე მოძრაობა "შეომოგვიერთდი"-სთან ერთად თბილისის მერობის კანდიდატი, "სახალხო დემოკრატების" ლიდერი ნიკა ივანიშვილიც იმყოფებოდა.
მომიტინგეთა შორის იყვნენ პატიმრობაში მყოფ მელორ ვაჩნაძის მამა, ვანო ვაჩნაძე და შაკო გოგინაშვილის დედა - ლილი გოგიჩაიშვილი.
მომიტინგეები ბესო ბესელიას, ტრისტან წითელაშვილის და სხვა, მათი თქმით უკანონო პატიმრების დაუყოვნებლივ გათავისუფლებას ითხოვდნენ.
"პოლიტპატიმრების თემა საქართველოში უნდა დასრულდეს, მანამ სანამ ეს პრობლემა იარსებებს საქართველო შემდგარ სახელმწიფოდ ვერ ჩაითველაბა. საერთაშორისო უფლება დამცველი ორგანიზაციები 8 პოლიტპატიმარს ახსენებენ - მაია თოფურია, ომარ ქუცნაშვილი, ნორა კვიციანი, მერაბ რატიშვილი ლევან გოგიჩაიშვილი და სხვები" ,-განაცხადა მერობის კანდიდატმა ნიკა ივანიშვილმა.
