,,პოლიტიკიდან წასვლის შემთხვევაში მე არ ვიქნები მმართველი გუნდის ორგანიზატორი", _ განაცხადა ჟურნალისტებთან პრემიერ-მინისტრმა ბიძინა ივანიშვილმა და აღნიშნა, რომ ის პოლიტიკიდან წავა ისე, რომ საზოგადოებაში არანაირ კითხვებს არ დატოვებს.
,,მე, პირდაპირი მნიშვნელობით თავი გავწირე პოლიტიკაში მოსვლით. ნურავის ექნება აზრად, რომ პროცესები, რომელიც ლაგდება, ამ პროცესებს გამოვეცალო და ვინმეს დასაშლელად და ასარევად დავუტოვო. ვფიქრობ, რომ ის ანალიზი, რაც პირველივე წელს დავდე, ერთი ერთში ხდება. კარგად ვხედავ რა სჭირდება ქვეყანას. ვიძლევი პირობას, რომ წასვლამდე რამდენიმე კვირით ადრე, მოახერხებს ყველა კითხვის დასმას და პასუხის მიღებას. საკმარისი დროით ადრე მე გავაკეთებ განცხადებებს. თუ დამარწმუნებენ, რომ აქ უფრო საჭიროა ჩემი ყოფნა, რა თქმა უნდა, აქ დავრჩები. ნუ გავაკეთებთ ამაზე აქცენტებს, რადგან ეს საზოგადოების ვნებათაღელვას იწვევს", - განაცხადა ივანიშვილმა.
მისივე განმარტებით, პრემიერ-მინისტრის გადაჭარბებული უფლებები უახალოეს პერიოდში დაბალანსებდა.
,,რაც შეეხება პრემიერის გადაჭარბებულ უფლებებს, ჩვენ პარლამენტში შეგვაქვს ეს საკითხი და ამას უახლოეს დროში დავარეგულირებთ და დავაბალანსებთ. ეს კიდევ ერთხელ ადასტურებს იმას, რომ ეს კაცი პრემიერის პოსტს თავისთვის იმზადებდა. მე ვფიქრობ, რომ ინსტიტუტების განვითარებაა მთავარი და არა პიროვნებების. არცერთ შემთხვევაში, პოლიტიკიდან წასული, მე არ ვიქნები მმართველი გუნდის ორგანიზატორი და გარედან არაფორმალურ მართვას არ ვაპირებ. როგორც საზოგადოების აქტიური წევრი, მოხერხდება კონტროლიც და შენიშვნების მიღებაც. არაფორმალური ლიდერობისგან ღმერთმა დაგვიფაროს. თუ მე პოლიტიკიდან წავალ, აუცილებლად წავალ პოლიტიკიდან. მე ვხმარობ სიტყვა გადასვლას და არა წასვლას. მე გამოვიყენებ მენეჯმენტში ჩემს გამოცდილებას. კონტროლის პალატა გახდება დამოუკიდებელი და მას აუცილებლად მიეცემა ის ფუნქცია, რაც უნდა ჰქონდეს. მე ბოლო მომენტში მოვახერხებ ამას კონსტიტუციით. როგორც შემიძლია რჩევებს მივცემ, რომ ეს ინსტიტუტი გახდეს დამოუკიდებელი. როცა მე წავალ პოლიტიკიდან, სისტემა იქნება თვითკონტროლირებადი. რაც შეეხება პიროვნებებს, მე მარგველაშვილზე ვთქვი, რომ ის არის ძალიან ძლიერი პიროვნება და ძლიერი კაცი. იგივე შემიძლია, ვთქვა პარლამენტის თავმჯდომარე დავით უსუფაშვილზე. ის ძალიან ძლიერი პიროვნებაა. პრემიერ-მინისტრიც მსგავსი უნდა იყოს", _განაცხადა ივანიშვილმა.
მასალის გამოყენების პირობები