ამომრჩეველთა სიების მონიტორინგი 10 აპრილამდე გაგრძელდება. ამასთან დაკავშირებით ცვლილება `საარჩევნო კოდექსში" შედის, რომელსაც პარლამენტი დღეს დაამტკიცებს.
სიების მონიტორინგის ვადის გახანგრძლივების ინიციატივა კი საპარლამენტო ოპოზიციის წარმომადგენელს ჯონდი ბაღათურიას ეკუთვნის.
მოქმედი რედაქციით, ამომრჩეველთა სიების მონიტორინგი, 15 მარტს უნდა დასრულებულიყო. თუმცა, ბაღათურია მიიჩნევს, რომ ეს ვადა არ არის საკმარისი.
აღსანიშნავია, რომ მას მხარს `ქრისტიან-დემოკრატებიც~ უჭერენ და ლევან ვეფხვაძე მონიტორინგის პროცესის გახანგრძლივების ერთ-ერთ არგუმენტად იმ ფაქტს ასახელებს, რომ სიებში, რომლებიც პარტიებს გადაეცა, ამომრჩევლები უბნების მიხედვით არ არიან გადანაწილებულნი.
აღსანიშნავია, რომ პარლამენტი ოპოზიციის ამ მოთხოვნის გათვალისწინებაზე თანახმაა და კოდექსში ჩაიწერება, რომ სიების გადამოწმებისთვის ვადა 10 აპრილამდე გახანგძლივდება.
