"დღეს საქართველოში ბევრი ფიქრობს, რომ რუსეთში არ შეიძლება არსებობდეს დემოკრატიული მიმდინარეობები, მაგრამ მე ზუსტად ვიცი, რომ 70-იან, 80-იან და 90-იან წლებში რუსეთს ბევრი მოქალაქე იძლეოდა დემოკრატიისა და თავისუფლებისათვის ბრძოლის მაგალითს", _ განაცხადა საქართველოს პრეზიდენტმა მიხეილ სააკაშვილმა ცნობილი რუსი ადამიანის უფლებების დამცველთან, დისიდენტთან, პოლიტიკოსთან და ჟურნალისტთან ვალერია ნოვოდვორსკაიასთან შეხვედრისას და აღნიშნა, რომ რუსეთში შესაძლებელია თავისუფლება და "მინდა ვიხილო რუსეთი, რომელიც თავადაც თავისუფალი იქნება და სხვებსაც მისცემს თავისუფლებას და არა ისეთი რუსეთი, რომელიც თვითონაც ვერ ცხოვრობს და არც სხვებს აძლევს არსებობის საშუალებას".
"ხალხი რომელიც საბჭოთა კავშირის აღდგენაზე ოცნებობს დღეს რუსეთისთვის არის ტრაგედია. არსებობს ერთგვარი ჩიპი "კა-გე-ბე"-სი, როცა მას კრემლს გაუკეთებ, ხოლო როცა ეს ჩიპი არ უკეთია რუსეთი სახიფათო აღარაა", _ განაცხადა საქართველოს პრეზიდენტმა და ყურადღება საქართველოს შიდა პოლიტიკაზეც გაამახვილა.
მიხეილ სააკაშვილმა აღნიშნა, რომ რუსეთისგან განსხვავებით საქართველოში პრეზიდენტი კრიტიკა საშიში არ არის.
"დღეს როგორც თქვენ აკრიტიკებთ რუსეთის ხელისუფლებას ეს სახიფათოა, თუმცა ჩვენთან განსხვავებით რუსეთისგან ეს სახიფათო არ არის. ჩვენ არ გვსურს რუსეთს ტანკებითა და შეიარაღებით ვეპაექროთ, ჩვენ უბრალოდ გვინდა ვიცხოვროთ და დავამტკიცოთ, რომ თავისუფლად ცხოვრება შესაძლებელია", _ განაცხადა მიხეილ სააკაშვილმა ვალერია ნოვორვორსკაიასთან შეხვედრისას.
სააკაშვილისა და ნოვოდვორსკაიას შორის შეხვედრა დაახლოებით ერთ საათს გაგრძელდა. ექსპერტები და ჟურბალიტები მოსკოვში დღეს ბრუნდებიან.
