საქართველოს პრემიერ-მინისტრი ბიძინა ივანიშვილის შეხვედრა ბენიამინ ნეთანიაჰუსთან ისრაელის პრემიერ-მინისტრის ოფისში შედგა.
პრემიერის პრეს-სამსახურის ინფორმაცით, მხარეებმა ორ ქვეყანას შორის პარტნიორული თანამშრომლობის საკითხებზე იმსჯელეს. პრემიერ-მინისტრებმა განიხილეს, როგორც ორმხრივი, ისე რეგიონული და საერთაშორისო მნიშვნელობის მეტად აქტუალური საკითხები.
შეხვედრაზე გადაწყდა, რომ ისრაელი და საქართველო განავითარებს თანამშრომლობას სხვადასხვა მიმართულებებით. შეხვედრის შემდეგ ხელი მოეწერა ორ ქვეყანას შორის კულტურული თანამშრომლობის პროგრამის დოკუმენტს.
