ისრაელში ვიზიტის ფარგლებში, დღეს გაიმართა ბიძინა ივანიშვილს შეხვედრა ქნესეთის სპიკერთან, იული ედელშტეინთან. მხარეებმა ორ ქვეყანას შორის პარტნიორული ურთიერთობების გაღრმავებაზე ისაუბრეს და შეთანხმდნენ, რომ გააქტიურდეს ურთიერთობა ორი ქვეყნის პარლამენტს შორის. საუბარი ასევე შეეხო სოფლის მეურნეობისა და ინვესტიცირების სფეროში თანამშრომლობის საკითხებს.
იული ედელშტეინის განცხადებით, ძალიან მნიშვნელოვანია ორმხრივი ურთიერთობების განვითარება, რადგან არ არის დასამალი, რომ საქართველოსა და ისრაელს დიდი მეგობრობა აკავშირებს ერთმანეთთან.
"ჩვენ უკვე შეგვიძლია შევაჯამოთ ვიზიტის შედეგები. მქონდა მეგობრული შეხვედრები, როგორც ისრაელის პრეზიდენტთან, ისე პრემიერ-მინისტრთან და ქნესეთის წარმომადგენლებთან. დიდი ყურადღება დავუთმეთ ქნესეთსა და საქართველოს პარლამენტს შორის ურთიერთობის გაღრმავების საკითხებს. ორი ქვეყნის საპარლამენტო ჯგუფებს შორის ურთიერთობა უნდა გაღრმავდეს",- განაცხადა ბიძინა ივანიშვილმა.
მასალის გამოყენების პირობები
