მთელი საპროკურორო უფლებამოსილება არჩილ კბილაშვილს გადაეცა. როგორც ჟურნალისტებთან იუსტიციის მინისტრმა სამინისტროში გამართულ პრესკონფერენციაზე განაცხადა, არჩილ კბილაშვილი იქნება პასუხისმგებელი საკადრო პოლიტიკაზეც.
"დღეს დილიდან მთელი საპროკურორო უფლებამოსილებები სრული მოცულობით გადაცემულია ბატონ არჩილ კბილაშვილზე _ საქართველოს მთავარ პროკურორზე, რომელიც მთლიანად იქნება პასუხისმგებელი საკადრო პოლიტიკაზე. იმ დანიშვნებზე, თუ გადანიშვნებზე, რომელიც მან 15 დღის ვადაში უნდა დაასრულოს", - განაცხადა წულუკიანმა და აღნიშნა, რომ დღეიდან არჩილ კბილაშვილი იქნება იმ სისხლის სამართლის საქმეებზე, რომელიც მიმდინარეობს, ან მომავალში აღიძვრება.
