მინისტრი უკვე შეხვდა წალკაში მცხოვრებ სტიქიის შედეგად დაზარალებულ მოსახლეობას, რომლებიც ბათუმში ჩავიდნენ, კარავში ცხოვრობენ, საყოფაცხოვრებო პრობლემების გამო წალკაში არ ბრუნდებიან და საკითხის ადგილზე - აჭარაში გადაწყვეტას ითხოვენ. მათი სურვილია, ვინც წალკიდან ბათუმში ჩავიდა, საცხოვრებელი ბინა აჭარის ტერიტორიაზე გამოინახოს, რადგან წალკაში არც საკმარისი მიწა გააჩნიათ და შიში აქვთ, რომ ბერძნები (რომლის სახლებიშიც ცხოვრობენ) სახლების დაცლას მოითხოვენ.
მათთან შეხვედრა საკმაოდ დიდხანს გაგრძლდა. დავით დარახველიძემ ე.წ. ეკომიგრანტებს საკითხის მოგვარების რამდენიმე ვარიანტი შესთავაზა. კერძოდ, აჭარის მთავრობასთან შეთანხმებით, აჭარის მთავრობა მათ ერთი თვის ბინის ქირას გადაუხდის, პარალელურად კი ოკუპირებული ტერიტორიებიდან იძულებით გადაადგილებულ პირთა, განსახლებისა და დევნილთა სამინისტრო წალკის მუნიციპალიტეტთან და აჭარის მთავრობის წარმომადგენლებთან ერთად მათ პრობლემებს წალკაში შეისწავლის და შეეცდება პრობლემა ადგილზევე მოგვარდეს. პარალელურად, აჭარის მთავრობა განიხილავს, რა ალტერნატივა და შესაძლებლობა არსებობს, აჭარის ტერიტორიაზე მათი საბინაო პრობლემების გადასაწყვეტად.
ე.წ. ეკომიგრანტები დავით დარახველიძესთან შეხვედრით კმაყოფილები დარჩნენ და აღნიშნეს, რომ მზად არიან, შეთავაზებული ვარიანტები მიიღონ.
რაც შეეხება აჭარაში მცხოვრებ ე.წ. კომპენსირებული დევნილების საკითხს, შეხვედრას აფხაზეთის მთავრობის მოვალეობის შემსრულებელი ვახტანგ ყოლბაიაც ესწრებოდა. მინისტრი ე.წ. კომპენსირებული დევნილების 25-მდე წარმომადგენეს შეხვდა, რომლებმაც 2006 წელს 7 000 დოლარიანი კომპენსაციის სანაცვლოდ სხვადასხვა სასტუმროებიდან გამოასახლეს. დევნილები აცხადებენ, რომ ყოფილმა ხელისუფლებამ აღნიშნული თანხა ძალის გამოყენებითა და მოტყუებით ააღებინა ამ თანხით ვერაფერი შეისყდა, დღესაც უბინაოდ არიან და ბინით დაკმაყოფილებას ითხოვენ.
მინისტრმა მათ დევნილთა საერთო მდგომარეობა გააცნო, რომ 60 000-ზე მეტ ოჯახს 19 წლის მანძილზე არანაირი დახმარება მიუღია და მოლოდინის რეჟიმში არიან. ასევე აღნიშნა, რომ რომ აქედან 40 000 დევნილ ოჯახს საცხოვრებელი ბინის გადაუდებელი აუცილებლობა გააჩნია. ასევე ესაუბრა ქვეყნის მასშტაბით, მათ შორის აჭარაში დაგეგმილ თუ მიმდინარე მშენებლობებზე, რომელმაც დევნილთა მდგომარეობა უნდა შეამსუბუქოს. დავით დარახველიძემ ასევა აღნინა, რომ საკითხი საკმაოდ პრობლემურია და გამოსავალი უნდა მოიძებნოს, თუმცა, არ უნდა დაირღვეს სამართლიანობის პრინციპი.
„ბათუმში, „ბენზეს დასახლებაში", სადაც დევნილები ცხოვრობენ კიდევ აშენდება 30 საცხოვრებელი კორპუსი. ამის შემდეგ კი სხვა რესურსი და შესაძლებლობა გვექნება, რომ ის პრობლემა განვიხილოთ, რომელიც დღეს ამ ადამიანების წინაშე დგას. თუმცა, არავითარ შემთხვევაში არ უნდა დავარღვიოთ სამართლიანობის პრონციპი. პირველ რიგში უნდა განვიხილოთ იმ დევნილების საკითხი, რომელთაც 19 წლის მანძილზე არაფერი მიუღიათ. იმისათვის, რომ ამოცანა ვიცოდეთ ზუსტად, უნდა ვიცოდეთ, რა რესურსი გვაქვს ორივე პრობლემის გადასაწყვეტად. ამას სჭირდება გარკვეული დრო. უნდა ჩატარდეს ხელახალი რეისტრაცია , გამოვლინმდება ის ადამიანები, რომელთაც აქვთ ფართი და კიდევ ითხოვენ, გააჩნით საკუთრება, რომელიც სხვის სახელზეა გაფორმებული და დავაზუსტოთ დევნილთა ზუსტი რაოდენობა" - აღნიშნა დავით დარახველიძემ.
ე.წ. კომპენსირებული დევნილებმა აღნიშნეს, რომ სამინისტროსთან ითანამშრომლებენ და მათ ხელთ არსებულ ინფორმაციასა და დოკუმენტაციასაც მიაწვდიან.