„დემოკრატიული მოძრაობის" ლიდერი ნინო ბურჯანაძე შს სამინისტროში გუშინ გამართული შეხვედრიდან მიღებული ინფორმაციით შეძრწუნებულია და მიიჩნევს, რომ კამათი იმაზე, სახეზეა თუ არა სისტემური დანაშაული, საზოგადოების შეურაცხყოფაა.
როგორც "დემოკრატიული მოძრაობის" ლიდერმა დღეს პარტიის ოფისში გამართულ პრესკონფერენციაზე განაცხადა, "ნაციონალური მოძრაობა" არის დანაშაულებრივი ორგანიზაცია და ის უნდა აიკრძალოს. `უნდა დადგეს მისი პოლიტიკური და სისხლის სამართლებრივი პასუხისმგებლობისა და აკრძალვის საკითხი. უნდა გასამართლდნენ დანაშაულის არა კონკრეტული შემსრულებლები, არამედ ორგანიზატორები იდეოლოგიური საფუძვლის და ასეთი ვერტიკალის შემქნელები, რომლებიც სრულყოფილი გამოძიების შედეგად გამოვლინდებიან",-აცხადებს ბურჯანაძე და დარწმუნებულია, რომ დანაშაულებრივი კვალი მიხეილ სააკაშვილამდე და მის უახლოეს გარემოცვამდე მივა.
ბურჯანაძის თქმითვე, უნდა დაიწყოს სამართლიანობის აღდგენის რეალური პროცესი. დანაშაულებრივი კოჰაბიტაციის ნაცვლად კი, "ნაციონალური მოძრაობისგან" გათავისუფლების პროცესი.
„უახლოეს მომავალში ჩვენ ვიწყებთ ხელმოწერების შეგროვებას "ნაციონალური მოძრაობის" აკრძალვისთვის", - განაცხადა ნინო ბურჯანაძემ.