რუსეთის ფედერაციის საგარეო საქმეთა სამინისტრო საოკუპაციო ზოლის დანარჩენი საქართველოს შიგნით გადმოწევასა და იქ მავთულხლართების გაბმის საკითხს ჟენევის საერთაშორისო მოლაპარაკებებზე განიხილავს და ყურადღებას ქართული მხარის მიერ ამ ფაქტის გამო „პროპაგანდისტური კამპანიის" აგორებაზე გაამახვილებს ყურადღებას.
„ქართული მხარის პროპაგანდისტური კამპანიის გამო საქართველოსა და რესპუბლიკა სამხრეთ ოსეთის საზღვარზე ბოლო დროს შექმნილ სიტუაციასთან დაკავშირებით ჟენევაში ამ საკითხს პრიორიტეტული ყურადღება დაეთმობა", _ ნათქვამია რუსეთის საგარეო საქმეთა სამინისტროს მიერ გავრცელებულ განცხადებაში, რომელიც ჟენევის საერთაშორისო მოლაპარაკებების მორგი რაუნდისადმია მიძღვნილი.
„ასევე განხილული იქნება უსაფრხოების საკითხები მოსაზღვრე ზონებში და საუბარი წარიმართება ორივე მხრიდან ადგილობრივი მოსახლეობის ნორმალური საცხოვრებელი პირობებს უზრუნველყოფაზე", _ ნათქვამია განცხადებაში და იქვე აღნიშნულია, რომ ჟენევის მოლაპარაკებათა მორიგ რაუნდზე აუცილებლად გაგრძელდება მთავარი საკითხის - „აფხაზეთისა და სამხრეთ ოსეთის მოსახლეობისათვის მყარი უსაფრთხოების გარანტიების შექმნა 2008 წლის 12 აგვისტოს რუსეთისა და საფრანგეთის პრეზიდენტების შეთანხმების თანახმად".