Wall Street Journal -ში გამოქვეყნებული სტატია შესწავლას საჭიროებს", _განაცხადა ჟურნალისტებთან იუსტიციის მინისტრმა თეა წულუკიანმა ჟურნალში გამოქვეყნებული მასალის კომენტირებისას და აღნიშნა, რომ თუ დადგინდება, რომ გამოქვეყნებული ინფორმაცია საფუძვლიანია მას მკაცრი რეაგირება მოჰყვება.
,,ის რაც გამოქვეყნდა შესწავლას საჭიროებს. მე მინდა ერთადერთი რამ ვთქვა, რომ მკაცრი კონტროლის პირობებში სადაც ხაზგასმით უნდა აღინიშნოს აბსოლუტურად კონსტრუქციულად და კარგად გვეთანამშრომლება სანქციების შესრულებაზე მართლმსაჯულება და მოსამართლეები, რომლებმაც ეს საქმე კარგად იციან. ქართველი მოსამართლეების დახმარებით, აღმასრულებელმა ხელისუფლებამ შევძელით, რომ გვქონდეს ირანულ ინდივიდებთან და იურიდიულ პირებთან 150-მდე ანგარიში გაყინული", _განაცხადა წულუკიანმა.
ჭალლ შტრეეტ ჟოურნალ-ში გამოქვეყნდა სტატია სათაურით "საქართველოში ირანელების ინვესტიცია სანქციების მიუხედავად იზრდება". მასში აღნიშნულია, რომ „საქართველოში თითქმის ყველა პროდუქტი არის ირანული, მიუხედავად იმისა, რომ ამერიკის შეერთებული შტატები ირანულ ბიზნესს სანქციებს უწესებს, მათ შორის - საზღვარგარეთაც. ამავე სტატიაში ამერიკის ხაზინის წარმომადგენელი ამბობს, რომ ამერიკა ორიენტირებულია, არ დაუშვას ირანელების მცდელობა, თავი აარიდონ სანქციებს, მათ შორის - შესაძლო ბიზნესკავშირებით საქართველოში". ასევე სტატიაში, აღნიშნულია, რომ ვაშინგტონის განსაკუთრებულ შეშფოთებას იწვევს სამი ბიზნესმენის საქმიანობა, რომლებიც მჭიდროდ არიან დაკავშირებულნი თეირანთან: ხუშან ხოსეინპური პოურია ნაუები და ხუშან ფარსუდეხი . ბიზნესმენები ავიაკომპანია FlyGeorgia-ს დამფუძნებლები არიან, აკონტროლებენ JSC InvestBank-ს და ასევე საქართველოში რამდენიმე მნიშვნელოვან აქტივებს ფლობენ. ისინი უარყოფენ თავაინთ კავშირებს ირანის ხელისუფლებასთან.
