ვანკუვერის საციგაო ტრასაზე, იქ სადაც ქართველი სპორტსმენი ნოდარ ქუმარიტაშვილი
დაიღუპა სიკვდილს ავსტრიელი სპორტსმენებიც სასწაულით გადაურჩნენ.
ოლიმპიადის ორ ავსტრიელ მონაწილეს ციგა ამოუყირავდა. ინციდენტი ზუსტად იმ ადგილზე მოხდა, სადაც ქუმარიტაშვილი დაიღუპა. მოსახვევ ნომერ 16-ში ავსტრიელმა სპორტსმენებმა წონასწორობა ვეღარ შეინარჩუნეს, რის გამოც ციგა ამოუყირავდათ, თუმცა საციგურაო მოედნისგან თავის დაზღვევა მოახერხეს.
ამის შესახებ ინფორმაციას დასავლური მედია ავრცელებს.
აღსანიშნავია, რომ ვანკუვერის ოლიმპიადაზე უსაფრთხოების უზრუნველყოფის მიზნით სამთო-სათხილამურო ტრასასაც ცვლიან. გადაწყვეტილება რამდენიმე ინციდენტის შემდეგ იქნა მიღებული.
აღნიშნულის მიუხედავად, ოლიმპიადის ორგანიზატორები საკუთარ პასუხისმგებლობას მაინც გაურბიან.
