უკრაინის ახლადარჩეული პრეზიდენტი ვიქტორ იანუკოვიჩი ე.წ. სამხრეთ ოსეთის აღიარების საკითხს "სიფრთხილით მიუდგება".
როგორც "ნეზავისიმაია გაზეტა" წერს, ამის შესახებ რუსეთის ფედერაციის სახელმწიფო დუმის საერთაშორისო საქმეთა კომიტეტის თავმჯდომარემ კონსტანტინე კოსაჩევმა ცხინვალში ჩასვლისას განაცხადა.
"ჩვენ კარგად გვესმის, რომ წინასაარჩევნო კამპანია ყოველთვის განსხვავდება რეალური პოლიტიკისაგან", - განაცხადა კოსაჩევმა, რომელსაც მხედველობაში ჰქონდა იანუკოვიჩის საარჩევნო შტაბის წევრების განცხადება, საპრეზიდენტო არჩევნებში "რეგიონების პარტიის" ლიდერის გამარჯვების შემთხვევაში, მათ მიერ აფხაზეთისა და ე.წ. სამხრეთ ოსეთის დამოუკიდებლობის შესაძლო აღიარების შესახებ.
