რეინტეგრაციის საკითხებში სახელმწიფო მინისტრი თემური იაკობაშვილი სამუშაო ვიზიტით პარიზში იმყოფება.
როგორც "ჯი-ეიჩ-ენს" სახელმწიფო მინისტრის აპარატიდან აცნობეს, ვიზიტის ფარგლებში იაკობაშვილმა ოფიციალური შეხვედრები უკვე გამართა საფრანგეთის საგარეო საქმეთა მინისტრბერნარ კუშნერთან და საფრანგეთის სახელმწიფო მდივანთან ევროპის საკითხებში პიერ ლელუშთან.
შეხვედრებზე მხარეებმა განიხილეს საფრანგეთის მონაწილეობა ოკუპირებული ტერიტორიების მიმართ საქართველოს სახელმწიფო სტრატეგიის: "ჩართულობა თანამშრომლობის გზით" სამოქმედო გეგმის შემუშავებასა და მისი განხორციელებაში.
საფრანგეთი მიესალმება საქართველოს მთავრობის ხედვას და სტრატეგიაში გაცხადებულ პრიორიტეტებს. ამასთან, მზადყოფნას გამოთქვამს აქტიური როლი ითამაშოს ოკუპირებულ ტერიტორიებზე მაცხოვრებელი მოსახლეობის კეთილდღეობაზე მიმართული პროგრამების შემუშავებაში.
ვიზიტის ფარგლებში, სახელმწიფო მინისტრი ასევე შეხვდა საფრანგეთის საგარეო საქმეთა და თავდაცვის სამინსტროების მაღალი თანამდებობების პირებს და მსოფლიოში ერთ-ერთი წამყვანი ანალიტიკური ცენტრის - საფრანგეთის საერთაშორისო ურთიერთობების ინსტიტუტის ექსპერტებს.
დაგეგმილია კონსულტაციები სხვა მაღალი რანგის პოლიტიკოსებთან და შეხვედრები ფრანგული მედიის წარმომადგენლებთან.
მასალის გამოყენების პირობები
