დღეს, 1-ელ თებერვალს, 19:00 საათზე, თბილისის ზაქარია ფალიაშვილის სახელობის ოპერისა და ბალეტის სახელმწიფო თეატრის სოლისტები და სიმფონიური ორკესტრი თბილისის კონსერვატორიის დიდ დარბაზში კონცერტს გამართავენ.
მუსიკის მოყვარულები მოუსმენენ ირინე რატიანს, თეიმურაზ გუგუშვილს, სულხან გველესიანს და ლეგი იმედაშვილს, რომლებიც იმღერებენ ვერდის, პუჩინის, ლეონკავალოს, ჩილეას, ჯორდანოს, ფალიაშვილის ნაწარმოებებს.
მომღერლებს პარტნიორობას გაუწევს თბილისის ზაქარია ფალიაშვილის სახელობის ოპერისა და ბალეტის სახელმწიფო თეატრის სიმფონიური ორკესტრი, რომელსაც წარუძღვება დირიჟორი ჯანლუკა მარჩანო.