,,ნაციონალური მოძრაობა" საზოგადოებასთან კომუნიკაციის ახალ ეტაპზე გადადის, , _ აღნიშნულის შესახებ ჟურნალისტებთან ,,ნაციონალური მოძრაობის" გენერალურმა მდივანმა ივანე მერაბიშვილმა პარტიის ახალი საიტის პრეზენტაციისას განაცხადა.
"ჩვენ გვინდა ახალი ტექნოლოგიები დავნერგოთ ჩვენს პარტიულ და არა მარტო პარტიულ მუშაობაში. ჩვენი პარტიის ყველა ღონისძიება, მათ შორის საპარლამენტო ფრაქციის, თბილისის მერიის, რუსთავის, ქუთაისის და ყველა იმ საკრებულოში, რომელშიც უმრავლესობა ჩვენ გვაქვს, გახდება გამჭვირვალე", _განაცხადა მერაბიშვილმა და აღნიშა, რომ ახალი ვებგვერდის საშუალებით მოქალაქეებს პარტიის ოფისში მიუსვლელად შეუძლიათ, გაეცნონ პარტიაში მიმდინარე პროცესებს და გადაწყვეტილებებს.
"დღევანდელი დღე შევა ისტორიაში, როგორც "ნაციონალური მოძრაობის" მხრიდან ტექნოლოგიური განვითარებისა და დემოკრატიზაციის მიმართულებით გადადგმული ერთ-ერთი ნაბიჯი", -განაცხადა მერაბიშვილმა.