საქართველოს საგანგებო და სრულფლებიანმა ელჩმა პარაგვაის რესპუბლიკაში, გელა სეხნიაშვილმა (რეზიდენციით ქ. ბუენოს აირესი) რწუნებათა სიგელები გადასცა პარაგვაის პრეზიდენტს ფედერიკო ფრანკო გომესს.
გასაუბრებისას, რომელიც სიგელების გადაცემის ცერემონიას მოჰყვა, პრეზიდენტმა ფრანკომ ხაზგასმით აღნიშნა პარაგვაის ურყევი მხარდაჭერა საქართველოს ტერიტორიული მთლიანობისადმი და კმაყოფილება გამოთქვა ორმხრივი ურთიერთობების გააქტიურებით.
სიგელების გადაცემის საზეიმო ცერემონიამდე ელჩი მიიღო პარაგვაის საგარეო საქმეთა მინისტრმა ხოსე ფელიქს ფერნანდეს ესტიგარიბიამ. საქართველოს ელჩმა ასევე გამართა შეხვედრა პარაგვაის საგარეო საქმეთა მინისტრის მოადგილესთან, ანტონიო რივას პალასიოსთან, რომელზეც ორმხრივი და მრავალმხრივი თანამშრომლობის საკითხები იქნა განხილული.