საპარლამენტო უმრავლესობის წევრის ზურაბ ტყემალაძის თქმით, ქუთაისში მდებარე პარლამენტის შენობის ბედი ამ დროისათვის გადაწყვეტილი არ არის.
როგორც ტყემალაძე ამბობს, უმრავლესობა საკითხს განიხილავს და პარლამენტის შენობას იმგვარი ფუნქცია მიეცემა, რომელიც ეკონომიკური თვალსაზრისით იმერეთისა და ქუთაისისათვის უფრო მომგებიანი იქნება, ვიდრე თვითონ პარლამენტი.
"იყო საუბარი უნივერისტეტის განთავსებაზე, მაგრამ თვითონ შენობა არ არის უნივერსიტეტისათვის მოწყობილი. შესაძლოა, პარლამენტის შენობაში უცხოური ორგანიზაციები განთავსდეს," - ამბობს ტყემალაძე.
ცნობისათვის, საქართველოს პარლამენტი თებერვალში იმ კანონპროექტის განხილვას გეგმვს, რომლის მიხედვით პარლამენტის ადგილსამყოფელი კონსტიტუციით არ განისაზღვრება. დეპუტატები პარალელურად, თბილისში მდებარე შენობის გარემონტებაზეც საუბრობენ.