"ქართული დემოკრატია: მეოთხე შანსი?" - ამ სათაურით აქვეყნებს სტატიას ბრიტანული გამოცემა "ეკონომისტი" . სტატიაში საუბარია პრემიერ-მინისტრ ბიძინა ივანიშვილისა და პრეზიდენტ, მიხეილ სააკაშვილის შეხვედრაზე, რომელიც პატრიარქის სახლში, 13 იანვარს გაიმართა. სტატის ავტორის თქმით, შეხვედრა მას შემდეგ შედგა, რაც ქვეყნის პეზიდენტმა კოალიცია "ქართული ოცნებისა" და " ერთიან ნაციონალური მოძრაობას" შორის ურთიერთობის გაუმჯობესების მიზნით "ხუთპუნქტიანი გეგმა" წარმოადგინა. გეგმა რიტორიკის შერბილებას, ნაციონალური მოძრაობის წევრების სამართლებრივი დევნისა და დაპატიმრებების შეწყვეტას მოიცავს. სტატიის ქართულ ვერსიას foreignpress.ge-ი აქვეყნებს.
სტატიის ავტორი სვამს კითხვას, გახდება თუ არა 2013 წელი გარდამტეხი ორი მხარის ურთიერთობებში და ყურადღებას ამახვილებს ევროპის საბჭოს საპარლამენტო ასამბლეაზე სააკაშვილის გამოსვლაზე, სადაც მან ივანიშვილი ნაციონალური მოძრაობისთვის შერჩევითი სამართლით მუქარაში დაადანაშაულა. პრეზიდენტმა ისიც აღნიშნა, რომ ის ემიჯნება ახალი მთავრობის მხრიდან რუსეთთან დიალოგის გახსნის მცდელობას.სააკაშვილმა საგანგაშო უწოდა ივანიშვილის ბოლოდროინდელ კომენტარსაც, რომელშიც მან სომხეთი იმის მაგალითად მოიყვანა, თუ როგორ შეიძლება ინარჩუნებდეს ქვეყანა კარგ ურთიერთობას ნატოსთან და რუსეთთან ერთდროულად. ორ მხარეს შორის უთანხმოების კიდევ ერთ წყაროდ იქცვა ახალი მთავრობის გადაწყვეტილება პატიმრების ამნისტიის შესახებ- ნათქვანია "ეკონომისტში'. სააკაშვილმა ამ კანონპროექტს ვეტო დაადო, თუმცა მეორე დღეს 91 დეპუტატმა დაძლია ეს ვეტო.
მიმდინარე ქართული პოლიტიკური მოვლენები ფართო კონტექსტშია განხილული ასევე journal of democracy ში. ავტორების აზრით, ივანიშვილის გამოჩენამ შეაჩერა "ნაციონალური მოძრაობის" ავტოკრატიისკენ სვლა. ამომრჩეველთა გაბერილი სიები იმის ვარაუდს აჩენს რომ მმართველი პარტია მზად იყო არჩევნების გაყალბებისთვის, მაგრამ მოსახლეობის მაღალმა აქტივობამ და საერტაშორისო დამკვირვებელთა მასშტაბურმა ყურადღებამ, სააკაშვილი აიძულა მარცხი ეღიარებინა- ამტკიცებენ სტატიის ავტორები. "ამან დამოუკიდებელ საქართველოს მეოთხე შანსი მისცა დემოკრატიისთვის, რაც ხელიდან იქნა გაშვებული ზვიად გამსახურდიას, ედუარდ შევარდნაძისა და მიხეილ საკაშვილის პრეზიდენტობის პირობებში. გამოიყენებს თუ არა ამ შანსს ქვეყანა, ნაწლობრივ დამოკიდებულია იმაზე შეძლებს თუ არა ნაც. მოზრაობა მოქმედებას ისე, როგორც ნამდვილი საპარლამენტო ოპოზიცია.ეს დამოკიდებულია ასევე ბატონ ივანიშვილზეც, მართლაც გადადგება თუ არა თანამდებობიდან 18 თვეში, როგორც მისი თქმით აპირებს, თუკი ყველაფერი კარგად წარიმართება. პოლიტიკა იშვიტად ვითარდება კარგად რომელიმე ქვეყანაში, რომ აღრაფერი ვთქვათ საქართველოზე"- ნათქვამია სტატიაში.
საქართველოში მიმდინარე პოლიტიკურ მოვლენებს ეხმაურება ასევე კდიევ ერთი უცხოური გამოცემა, Chatham house, სადაც ვკითხულობთ რომ საქართველოს სამოქალაქო საზოგადოება ძალიან სუსტია იმისთვის , რომ გავლენა მოახდინოს პოლიტიკაზე. ავტორი ვარაუდობს, რომ თუ ქართველ ხალხს უნდა ნამდვილი დემოკრატია, გამჭირვალობა და პირადი თავისუფლება, მანთ მონაწილეობა უნდა მიიღონ საჯარო დებატებში და შექმნან სოციალური ნდობა. მიუხედავად ამისა, კვლევების თანახმად, მხოლოდ რამდენიმე რიგითი ქართველი თუ ლაპარკობს თამამად პოლიტიკაზე სახლის გარეთ. ამ ცვლილებებს კი წლები დასჭირდება- ნათქვამია სტატიის ბოლოს.