საქართველოს პრეზიდენტი მიხეილ სააკაშვილი 21 იანვარს ევროპის საბჭოს საპარლამენტო ასამბლეის ზამთრის სესიაზე სიტყვით გამოვა. ევროპის საბჭოს ოფიციალურ ვებგვერდზე განთავსებული ინფორმაციის თანახმად, მიხეილ სააკაშვილის, შტეფან ფულესა და იტალიის იუსტიციის მინისტრ პაოლო სევერინოს გამოსვლა ევროსაბჭოს საპარლამენტო ასამბლეის ზამთრის სესიის ერთ-ერთი ყველაზე მნიშვნელოვანი მომენტებია.
დღის წესრიგით გათვალისწინებულია მსჯელობა რუსეთ-საქართველოს ომის დროს დაზარალებულ რაიონებში არსებული ჰუმანიტარული მდგომარეობის შესახებ. შვეიცარიელი თინა აკეტოფტის დასკვნის მიხედვით ამ თემაზე მომზადებული რეზოლუცია 23 იანვარს განიხილება.
გარდა ამისა, პარლამენტარების წინაშე წარდგება ევროპის საბჭოს გენერალური მდივანი ტორბიორნ იაგლანდი. მინისტრთა კომიტეტის სახელით კი ასამბლეას მიმართავს ანდორის საგარეო საქმეთა მინისტრი ჯილბერ საბოია სუნე.
ევროპის საბჭოს საპარლამენტო ასამბელის ზამთრის სესია სტრასბურგში 21-25 იანვარს გაიმართება.
