"მაგთიკომის" ახალგაზრდული ბრენდი "ბალი" ვალენტინობის დღესთან დაკავშირებით 10 აბონენტს დააჯილდოებს.
როგორც "ჯი-ეიჩ-ენს" კომპანია "მაგთიდან" აცნობეს, სხვადასხვა სახის პრიზები იმ აბონენტებს შეხვდებათ, რომლებიც "ბალის" ყველაზე აქტიური მომხმარებლები არიან და მისი აქციებით ხშირად სარგებლობენ.
"ეს სტიმული იქნება სამომავლოდ როგორც "ბალის", ასევე სხვა აბონენტებისთვის", - აცხადებენ კომპანიაში.
ცნობისთვის, "ბალის" კლუბებში დღეს გაერთიანებულია აბონენტთა დიდი რაოდენობა, რომლებიც სხვადასხვა კულტურულ, სასწავლო თუ სავაჭრო ცენტრებში უამრავი ფასდაკლებითი აქციით სარგებლობს. მათ შორის ყველაზე პოპულარულია "ბალი მარჯანიშვილის თეატრში", "ბალის ფოტოსამყარო", "ბალის კინო", "ბალი და HP", "ბალი და ბიზნეს-ტრენინგების ასოციაცია" და "ბალი და ბიბლუსი".
