"ქრისტიან-დემოკრატები" მოსახლეობასთან შეხვედრებს განაგრძობენ. დეპუტატი გიორგი ახვლედიანი დღეს ბაღდათის რაიონის სოფელ ვარციხის მოსახლეობას შეხვდა.
ახვლედიანი მოსახლეობის პრობლემების გაცნობის შემდეგ, ადგილობრივებს სოფლის მხარდაჭერის პროგრამის შესახებ ესაუბრა.
ახვლედიანის თქმით, "ქრისტიან-დემოკრატები" უზრუნველყოფენ, რომ მოსახლეობამ სოფლებისთვის გამოყოფილი თანხა საკუთარი სურვილით განკარგოს და არა ხელისუფლების კარნახით.
დეპუტატმა ადგილობრივი თვითმმართველობის მოახლოებულ არჩევნებზეც ისაუბრა და შეხვედრაზე მისულ ადამიანებს სწორი არჩევანის გაკეთებისკენ მოუწოდა.
