"კონსერვატიული პარტია" ქართველი ოლიმპიელის, ნოდარ ქუმარიტაშვილის ტრაგიკული დაღუპვის გამო მწუხარებას გამოთქვამს.
ვანკუვერში მომხდარ ტრაგედიასთან დაკავშირებით "კონსერვატორები" საგანგებო განცხადებას ავრცელებენ.
ოპოზიციური პარტიის წარმომადგენლები მომხდარის გამო სამძიმარს უცხადებს დაღუპულის ოჯახს, ოლიმპიურ დელეგაციას და მთლიანად ქართულ საზოგადოებას.
შეგახსენებთ, რომ 21 წლის ქართველი სპორტსმენი, მოციგავე ნოდარ ქუმარიტაშვილი გუშინ წინ, კანადის ქალაქ ვანკუვერში, ზამთრის ოლიმპიადის წინა შესარჩევი გარბენის დროს დაიღუპა.
