პარლამენტში სესიების გაცდენისათვის დეპუტატებს ხელფასები დაექვითათ. პარლამენტის საპროცედურო საკითხთა კომიტეტის ხელმძღვანელის ირინე იმერლიშვილის თქმით, ხელფასები სხდომების გამცდენ ყველა დეპუტატს დაექვითა გარდა იმ პირებისა, რომლებიც ავად იყვნენ ან კიდევ მივლინებაში იმყოფებოდნენ.
„სიაში მოხვედრილ ყველა დეპუტატს დაექვითა ხელფასი. მაგალითად, თუ დეპუტატმა სამი დღე გააცდინა, ხელფასი ერთი დღის გამოკლებით დაექვითა. ხელფასები არ დაექვითათ ირაკლი ტრიპოლსკისა და ირაკლი სესიაშვილს, რადგან ავად იმყოფებოდნენ, " - ამბობს იმერლიშვილი.
სხდომების გამცდენი დეპუტატების სია პარლამენტის თავმჯდომარემ დავით უსუფაშვილმა საშემოდგომო სესიის დასრულების შემდეგ გამოაქვეყნა. გაცდენების რაოდენობის მიხედვით საპარლამენტო უმცირესობის წარმომადგენლები ლიდერობენ.