"პრემიერ-მინისტრმა განაცხადა, რომ თუ უმცირესობის წევრები არ მისცემენ ხმას საკონსტიტუციო ცვლილებებს, ისინი გაინადგურებენ მომავალს. მე არ ვიცი არც ერთი, ოდნავ მაინც ცივილიზებული ქვეყანა, რომელშიც მთავრობის ხელმძღვანელი დაემუქრება დეპუტატებს ამ ტექსტით. არა მხოლოდ ემუქრება არამედ მოქმედებენ კიდეც", - განაცხადა პრეზიდენტმა.
მან დეპუტატებზე მუქარის მაგალითად მარიკა ვერულკაშვილის შემთხვევა მოიყვანა.
"ყვარლის დეპუტატის, მარიკა ვერულაშვილის ისტორია: ჯერ პირადად სულ რაღაც შეთვლებს უგზავნიდნენ. ოჯახის რამდენიმე წევრი დაუკითხეს. ჯერ მარიკას აიუძულეს და პარლამენტში არ დადიოდა, წავიდა უცხოეთში და იქ იყო არჩევნებიდან თითქმის ორი თვე. შემდეგ დაბრუნდა და ოჯახის ერთი წევრი, რომელიც უცხოეთში მიდიოდა მოხსნეს საზღვრიდან, დააკავეს და მისი მეუღლე რამდენიმე საათის განმავლობაში - გუშინ, ჰყავდათ დაკითხვაზე. რამდენადაც ვიცი მისი რეაქცია იყო, რომ წავალ პარლამენტიდან. მაგრამ უთხრეს არა - არ წახვალ, დარჩები, გამოხვალ ფრაქციიდან და ხმას მისცემ საკონსტიტუციო ცვლილებებს, თუ გინდა რომ შენი ოჯახის წევრები არ ისხდნენ ციხეში.
მას ჰყავს პატარა ბავშვი, ახლად გათხოვილია ამ მეუღლეზე და ემუქრებიან მეუღლის დაჭერით - თუ არ გამოვა ფრაქციიდან. აი. მე მინდა მივმართო პრემიერ-მინისტრს რამდენი ხანი აპირებემ ამ სიბინძურით პოლიტიკური მიზნების გადაწყვეტას?", - განაცხადა სააკაშვილმა.