ზუგდიდის მაჟორიტარი დეპუტატი როლანდ ახალაია პროკურატურაში დაიბარეს. როგორც "ჯი-ეიჩ-ენთან" საუბარში პროკურატურის პრესსამსახურის წარმომaდგენელმა განაცხადა, ახალაია ზუგდიდის რაიონულ პროპკურატურაში 25 დეკემბერსაა დაბარებული.
პრესსამსახურის ინფორმაციით, როლანდ ახალაია პროკურატურაში გამოძალვის ფაქტებთან დაკავშირებითაა დაბარებული და ეს უკავშირდება როგორც ფულად, ასევე ქონების გამოძალვას.
,,კანონმდებლობით დეპუტატს ევალება, როცა ის დაბარებულია დაკითხვაზე მოწმის სახით, გამოცხადდეს", _ განაცხადა ჟურნალისტებთან მთავრობის სხდომის დასრულების შემდეგ იუსტიციის მინისტრმა თეა წულუკიანმა როლანდ ახალაის პროკურატურაში დაბარების კომენტირებისას.
,, გეტყვით, რომ კანონის ფარგლებში ჩაბარდება მას უწყება და შეუძლია იყოლიოს ადვოკატი. დღევანდელი კანონმდებლობით დეპუტატს ევალება, როცა ის დაბარებულია დაკითხვაზე მოწმის სახით, გამოცხადდეს. მას კანონი ამისგან არ ათავისუფლებს. ახალაიას დაკითხვაზე დაბარება ეხება იმ პერიოდს, როცა ის პროკურორი იყო სამეგრელოში", - აღნიშნა თეა წულუკიანმა.
