18 დეკემბერს, 20:00 საათზე, თბილისის დიდ საკონცერტო დარბაზში გაიმართება თემურ ყვითელაშვლის სოლოკონცერტი, სახელწოდებით "მონატრებული შეხვედრა საყვარელ მსმენელთან" .
როგორც "ჯი-ეიჩ-ენს" ხელოვანთა კავშირის ხელმძღვანელმა დავით ოქტიაშვილმა განუცხადა, თემურ ყვითელაშვილის საქართველოში კონცერტი 10 წელია არ გაუმართავს და იგი მსმენელის წინაშე წარდგება ცნობილი სიმღერების ახალი ინტერპრეტაციით. სოლოკონცერტში მონაწილეობს ოპერის სიმფონიური ორკესტრი და დავით ანდრიას ბენდი. ასევე მომღერლები: მაია ჯაბუა, ნატო მეტონიძე, ლიზა ბაგრატიონი და ანსამბლი "ფორტე"."
სოლოკონცერტის ორგანიზატორია ხელოვანთა კავშირი.
გიტარისტი თემურ ყვითელაშვილი 1994 წელს გიტარისტების საუკეთსო კონკურსში, რომელიც გაიმართა ჰოლივუდში, ალან ჰოლდვსორტმა დაასახელა ის წლის საუკეთესო გიტარისტად, ნომინაციაში "fusion". 1996 წელს კი დაასახელეს საქართველოს საუკეთესო ინსტრუმენტალისტად.