თბილისის მე-13 საერთაშორისო კინოფესტივალზე საუკეთესო ფილმად აღიარეს "სიყვარული" (სლავომირ ფაბიცკი), რომელიც ოქროს პრემიით დაჯილდოვდა.
ფესტივალის ფარგლებში, ასევე გამარჯვებულები გამოვლინდა შემდეგ ნომინაციებში: ვერცხლის პრომეთე საუკეთესო რეჟისურისთვის გადაეცა ფილმს "ყველა წავიდა" - გიორგი ფარაჯანოვი; ჟიურის სპეციალური აღნიშვნა დაიმსახურა საერთაშორისო ფესტივალის კონკურსის მონაწილე ორმა ფილმმა, "სარაევოს შვილები"- აიდა ბეგიცი და "გაიღიმე" - რუსუდან ჭყონია.
მოკლემეტრაჟიანი ფილმების კონკურსში გამარჯვებულმა ტატო კოტეტიშვილის ფილმმა "საზამთრომ" მიიღო ფარაჯანოვის პრიზი. ასევე ჟიურის სპეციალური აღნიშვნა დაიმსახურა მოკლემეტრაჟიანი ფილმების კონკურსის მონაწილე ფილმმა -"შავი თუთია"- გაბრიელ რაზმაძე. ფილმი ეროვნული კინოცენტრის სუბსიდიით არის შექმნილი.
საუკეთესო დოკუმენტურ ფილმად აღიარეს "მანქანა, რომელიც ყველაფერს გააქრობს". ფილმის რეჟისორი თინათინ გურჩიანი 2013 წლის იანვარში გოტებურგის საერთაშორისო ფესტივალზე გაემგზავრება. ფილმი ეროვნული კინოცენტრის მხარდაჭერიითაა გადაღებული.