10-17 დეკემბერს მოყვარულ სტუდენტურ თეატრთა პირველი ფესტივალი "ნიღაბი 2012" სამედიცინო უნივერსიტეტში გაიმართება.
ფესტივალის ფარგლებში მონაწილეობას მიიღებენ და წარმოადგენენ სპექტალკებს: თბილისის სახელმწიფო სამედიცინო უნივერსიტეტი "ომობანა", კავკასიის უნივერსიტეტი "თოლია", გრიგოლ რობაქიძის უნივერსიტეტი "მარწყვის ცივი ტორტი", თბილისის სახელმწიფო უნივერსიტეტი "განკითხვის დღე", საქართველოს ეროვნული უნივერსიტეტი "უცნობი ქალის წერილები", ბათუმის სახელმწიფო უნივერსიტეტი "ქართველები".
მოყვარულ სტუდენტურ თეატრთა ასოციაცია დაარსდა 2012 წელს და პირველად საქართველოში ჩამოაყალიბა მოყვარულ სტუდენტურ თეატრთა ფესტივალი "ნიღაბი". ფესტივალი ტარდება ყოველწლიურად, სადაც სხვადასხვა უნივერსიტეტის თეატრალური დასები წარადგენენ მათ მიერ დადგმულ სპექტაკლებს. ფესტივალის მთავარი მიზანია უნივერსიტეტების სტუდენტებს შორის კომუნიკაცია, გამოცდილების გაზიარება და მომავალში პროფესიული და არამარტო პროფესიული ურთიერთობების ჩამოყალიბება.
ფესტივალის მონაწილე სხვადასხვა დასის მიერ წარმოდგენილ სპექტაკლებს ჟიური შეაფასებს. მათ მიერ გამოვლინდება გამარჯვებული 9 ნომინაციაში, რომლებსაც პრიზებს გადასცემენ მაღაზიათა ქსელი "მასტერ სპორტი" და კომპანია "ბილაინი".
ჟიურის წევრები იქნებიან თამუნა ნიკოლაძე, კახა მიქიაშვილი, ბაჩო ჩაჩიბაია, გოგი თოდაძე, ვანო ხუციშვილი.