30 ნოემბერს და 1-ელ დეკემბერს, 19:45 საათზე, შოთა რუსთაველის სახელობის სახელმწიფო დრამატულ თეატრში მოსკოვის თეატრი "ET CETERA" რობერტ სტურუას მიერ დადგმულ სპექტაკლს "ქარიშხალს" წარმოადგენს.
როგორც სტურუამ პრესკონფერენციაზე განაცხადა, "ქარიშხალი" ურთულესი პიესაა. მიიჩნევენ, რომ ეს არის შექსპირის ანდერძი. გმირი ისეთი პერსონაჟია, რომელმაც ყველაფერი შეიცნო ამ სამყაროში, ძმამ უღალატა, ჩაიგდო ძალაუფლება. მთელი ცხოვრება ის უცდის, როგორ იძიოს შური იმაზე, ვინც უღალატა.
სპექტაკლში მთავარ როლს ასრულებს ალექსანდრე კალიაგინი, კომპოზიტორია გია ყანჩელი, პროდიუსერი - დავით სმელიანსკი.
პრემიერა 2010 წლის 25 სექტემბერს, ხელოვნების ფესტივალის "ჩერეშნევილეს" ფარგლებში გაიმართა.
"ET CETERA" გასტროლების ფარგლებში ასევე წარმოადგენს ტარიკ ნიუს "კარგი ადგილი მოგინახავთ ძაღლების გამოსაკვებად" (რობერტ სტურუას მიერ დადგმულს).
1992 წელს ალექსანდრე კალიაგინმა თავის კურსდამთავრებულებთან ერთად დააარსა თეატრი "ET CETERA" . პირველი სპექტაკლი ა. ჩეხოვის "თოლია" იყო. თეატრში სტურუამ 2000 წელს დადგა უილიამ შექსპირის "შეილოკი", 2002 წელს ს. ბეკეტის "კრეპის უკანასკნელი ჩანაწერი", 2012 წელს შექსპირის "ქარიშხალი", 2012 წელს კი ტარიკ ნუის "კარგი ადგილი მოგინახავთ ძაღლების გამოსაკვებად". ყველა სპექტაკლში მთავარ როლს ალექსანდრე კალიაგინი ასრულებს.