2013 წლის 1-ელი იანვრიდან უკრაინული ჯგუფი „ვია-გრა" არსებობას წყვეტს, ამის შესახებ განცხადება ჯგუფის პროდიუსერმა კონსტანტინე მელაძემ გააკეთა. კონსტანტინე მელაძე, რომელიც დასაბამიდანვე ჯგუფის პროდიუსერი იყო, პროექტის დასრულების შესახებ ოფიციალური განცხადება გააკეთა. კონსტანტინე მელაძის განმარტებით, ჯგუფის სოლისტები აღნიშნულმა ინფორმაციას გააბრაზა და იტირეს კიდეც.
შეგახსენებთ, რომ ჯგუფი „ვია-გრა" 1999 წელს შეიკრიბა. ამ ხნის განმავლობაში ჯგუფმა გამოუშვა 5 ალბომი, საიდანაც 3 ალბომი მუდმივად რუსულ ჩარტებში მოწინავე პოზიციაზე იყო. ჯგუფს გამოშვებული აქვს 30-ზე მეტი სინგლი და კლიპი. უნდა აღინიშნოს, რომ 1999 წლიდან ჯგუფმა 13 სოლისტი გამოიცვალა.