მთავრობა ქვეყანაში ახალი ფონდების შექმნას გეგმავს, როგორც პრემიერ-მინისტრმა, ბიძინა ივანიშვილმა სასტუმრო „რადისონ ბლუ ივერიაში" პრესკონფერენციაზე განაცხადა, იგეგმება ორი ახალი ფონდის შექმნა, ერთ-ერთი ასეთი ფონდი კი საინვესტიციო ფონდი იქნება.
"ყველა მდიდარმა ქართველმა, ვისაც სურვილი ექნება ამ ფონდის საწესდებო კაპიტალის ჩამოყალიბებაში მიიღოს მონაწილეობა. ეს ფონდი დაეხმარება ყველა ინვესტორს და იქნება საიმედო პარტნიორი ვისაც დასჭირდება. ამაზე ადრეც ვსაუბრობდი და იდეა ეკონომისტებს მოეწონათ", - განაცხადა პრემიერ-მინისტრმა.
ივანიშვილის განმარტებით, ამ ფონდით ნებისმიერ ინვესტორს საიმედო პარტნიორი გაუჩნდება და დააჩქარებს ინვესტიციების შემოდინებას ქვეყანაში.
მისივე თქმით, ასევე შეიქმნება საინვესტიციო კრეატიული ჯგუფი, რომელიც შეისაწვლის თუ რა დარგებში შეიძლება თანხის ჩადება, რათა ეს იდეები შეთავაზებული იყოს ინვესტორების მიმართ.
