პრემიერ-მინისტრი ბიძინა ივანიშვილი პირობას დებს, რომ მედიის საქმიანობაში არ ჩაერევა. როგორც ბიძინა ივანიშვილმა სასტუმრო „რადისონ ბლუ ივერიაში" პრესკონფერენციაზე განაცხადა, თუ დაფიქსირდება რომ ხელისუფლება მედიაზე ზეწოლას ახდენს, ის პირველი აიმაღლებს ხმას და ჩაერევა ამ პროცესებში.
მისი თქმით, ის რომ "იმედი" ბადრი პატარკაციშვილის ოჯახს დაუბრუნდა, ეს ირიბად ახალი მთავრობის დამსახურებაცაა.
ივანიშვილის განმარტებით გარკვეული ძვრებია "რუსთავი 2 "-თან მიმართებაში, სადაც მისი პირვანდელი მფლობელები ტელევიიზიის უკან დაბრუნებას ითხოვენ, თუმც პრემიერის განცხადებით, საბოლოო სიტყვას და განაჩენს სასამართლო იტყვის.
რაც შეეხება საზოგადოებრივ მაუწყებელს, პრემიერის თქმით, ის უნდა ემსახურებოდეს საზოგადოებას და არა, უშუალოდ მმართველ გუნდს.