გიორგობას, 23 ნოემბერს, 22 საათზე, „მაგთი კლუბში" „თეატრალურის კვარტეტის" და კომპოზიტორ დავით არჩვაძის კონცერტი გაიმართება.
ღონისძება ორ ნაწილად ჩატარდება. კონცერტის შუალედში „თეატრალურის კვარტეტი" სტუმრების ამღერებას იმპროვიზებულ კარაოკეში შეეცდება. გათამაშდება პრიზებიც. კონცერტზე მხოლოდ კვარტეტთან დუეტებით არ შემოიფარგლება დავით არჩვაძე და მსმენელისთვის საყვარელ სიმღერებს თავადაც შეასრულებს. საღამოს კი დიჯეი დაასრულებს.
„კონცერტი ძალიან თბილი და მხიარული გამოვა, „კლუბის გარემო თავისთავად შექმნის ასეთ სიტუაციას, ყველა სტუმართან ახლოს ვიქნებით და მოვეფერებით, ბევრს უთქვამს, რომ ასეთ ვითარებაში ჩვენთან ერთად სიამოვნებით გაერთობოდა და აი, ამის დროც მოვიდა", _ აცხადებს თეატრალურის კვარტეტის წევრი ოთო კოვზირიძე.
